مستحضرات تجميل

فاونديشن و كونسيلر جوردانا الامريكية ;)

Posted on Updated on

مرحبا يا بنات 🙂 ازيكم ؟

اليوم جايبة لكم تقرير مفصل عن فاونديشن جوردانا و كونسيلر جوردانا اللي أول مرة اجربهم
و رأيي فيهم 😉

يلا نبدأ :

image

هذا هو فاونديشن جوردانا oil free يعني خالِ من الزيوت لان بشرتي دهنية 😭

الفاونديشن تغطيته خفيفة لكن يعطي لون قوي
يعني اذا فيه حبوب ما بيخفيها بشكل كامل
لكن بيعطي glow للبشرة (لمعة)بيخليها تبين نضرة و طبيعية و ينفع للاستخدام اليومي .

و اذا بشرتك ما فيها حبوب حيناسبك جداً .

و بينشف عالبشرة بسرعه ما بيترك اثر زيتي ابداً .

بس بعد حوالي ساعه بيبدأ يسيييييييح 😥
لكن اذا حطيتي كومبكت بودر و برايمر تحته بيثبت جداااااااااً .

انا بستخدم افتح درجة لاني بيضة و فيه منه درجات متعددة .

هو يا بنات مش غالي انا اشتريته ب 56 جنيه مصري.

image

اما هذا فهو كونسيلر جوردانا و زي ما انتم شايفين هو ستيك .

بالنسبالي ما عجبني تغطيته خفيفة و دهني الي حد ما و الوانه كلها علي صفار شوية ….
يعني الاساس بلونه هو الاصفر و انا اللون الاصفر ببعد عنه تماما في الفاونديشن و الكونسيلر و اللي ببليق علي بشرتي اللون اللي علي روز و بستخدم افتح درجة من كل الماركات لان بشرتي فاتحة جداً .

و ده عيب مش ميزة 😦 لان اوقات ماركات بتعجبني جداً خامة الفاونديشن بتاعها و اول درجة ما بتناسبني و بضطر ابعد عنها تماما ً.

نرجع لموضوعنا ….
الكونسيلر مناسب جداً للبشرة الجافة و العادية
و اذا كانت عيوب البشرة خفيفة و مش واضحة كتير .

بالنسبة لسعره في حدود ال 39 جنيه مصري .

         الفاونديشن ممكن اشتريه تاني
        لكن الكونسيلر ابداًًً ما ناسبني😌

اي سؤال او استفسار انا جاهزة ارد عليكم😍
لو حابين تراسلوني علي ask:@amoragobba

تجربتى و رأيي فى برايمر ايسنس | essence primer

Posted on

مرحبا يا بنات 😍

اليوم حتكلم عن برايمر ايسنس و تجربتى معاه على انه منتج رخيص نوعا ما …. P8212426

للبنات اللى متعرفش يعنى ايه برايمر ؟!😕

البرايمر : هو مستحضر يوضع قبل الفاونديشن لغلق المسام

و تهيئة البشرة للفاونديشن و بيساعد على ظهور الالوان بشكل كبير.

و فى برايمر خاص بالعيون بيساعد على تثبيت لون الشادو و اظهاره بشكل واضح جدا .

*********************

هو زى ما انتم شايفين بالصورة اسمه essence all about matt  هو بيتحكم باللمعان بطريقة رهييييييبة و بيغلق المسام و بيساعد على فرد الفاونديشن بسهولة …

و حتى بستخدمه فوق العين يا بنات حلو جدا جدا و بيظهر

الشادو جدا و بيمنع التكتلات او الطبقات الكتير فوق بعضها 😍

هو بيجى شفاف اللون ماله اى تأثير  على البشرة هو مجرد

طبقة حماية قبل الفاونديشن ….

ممكن تستخدميه لوحده اذا كانت بشرتك دهنية و كثيرة الافرازات

و اذا كانت مختلطة ممكن تحطى مرطب قبله

و تتركيه شوية يجف على البشرة ✴

و بعدين تحطى البرايمر .

تقييمى له :

ممتاز بالنسبة لسعره و انصح فيه ذوات البشرة الدهنيه و المختلطة.

و سعره فى مصر : 50 جنيه مصرى

مشترياتى من شانيل و ايسنس و ماركات تانية

Posted on Updated on

السلام عليكم

ازيكم يا صبايا 👱

دى اول تدوينة ليا سامحونى اذا اخطأت بشى و دعمونى اذا اعجبكم المحتوى و ان شاء الله يعجبكم 😄 .

اشتريت منتجات كتيرة الفترة اللى فاتت من  ايسنس و شانيل و ديبورا و جوردانا 😉

اولا : الفاونديشن

20150603_022938

من اليمين موس فاونديشن اماندا ممتاز بالنسبالى سهل التوزيع على البشرة بيتحول لبودر و هو مناسب جدا للبشرة الدهنية لكن تغطيته متوسطة اعطيه 8 من 10.

اللى بعده فاونديشن ديبورا مات درجته ايفورى00 تغطيته من متوسطة لعالية تقيل مش خفيف حبيته اعطيه 9 من 10.

نيجى بقى لاغلى فاونديشن ممكن تستعمليه 😄 شانيل ممتاز و هو سائل يعنى سهل الفرد جدا و تغطيته كمان متوسطة لكن بيحافظ على شكل البشرة النضر مشكلته معايا درجته جت غامقة شوية بدمجه مع فاونديشن فاتح اعطيه 7 من 10 .

ثانيا: الأى شادو

20150603_021454

دى علبة من ديبورا و ده شكلها من برا

20150603_021544

و ده شكلها من جوا و هى مفتوحة كلها و دى درجات الشادو فيها الالوان الترابية اللى بحبها و هى اكتر الالوان اللى بستخدمها و فيها اتنين بلاشر روز و واحد برونزر و بودر و فيها كمان 9 الوان جلوس بس نسيت افتح مكانهم لانى مش بستخدمهم 😄 هى جنب البودر المكان الاسود ده ….

بالنسبة للاستخدام هى حلوة و الوانها بودر ناعمة اوى مش كريمى و البجمنتيشن بتاعها متوسط بحط برايمر دايما قبلها بيظهر الالوان جامد .

تقييمى ليها 8 من 10 .

20150603_022837

و دول لونين عجبونى اوى شيمرى فيهم لمعة قوية و هم عبارة عن كريم  من جوردانا سعرهم مش عالى لكن عشان ثباتهم يبقى اعلى لازم بودر تحتهم

تقييمى ليهم 9 من 10 .

ثالثا : الليب ستيك و الجلوس

20150603_022105

هههههه دول بقى حباييى و بحب كل الالوان دى من اليمين

اول اتنين من ايسنس احمر و كاكاوى كريمى و قوامهم تقيل و حلوين اوى و ثباتهم حلو … اللى بعده حبيب قلبى فوشيا غامق من لوريال باريس و دى الماركة المفضلة بالنسبالى فى الليب ستيك اللون تقييييل و واضح جدا و مات بالنسبالى 10 على 10

و اللى بعده من ميبلين درجته اسمها فوشيا فلاش و هو فوشيا مضىء و شكله عالشفايف يهبل حبيته جدا و ريحته حلوة اوى .

و اللى بعده اورانج فيه برونز دهبى من سيبال هو كويس لكن مش كريمى اوى زى اللى قبله تقيل شوية و تحسى المرطب فيه اقل منهم كلهم لكن ينفع يعنى .

اللى بعده دول تلاتة من اماندا فوشيا و اورانج و بنى فاتح حلو اوى اوى على سعره مش غالى لكن ثباته حلو جدا و شكله عالشفايف طبيعى جدا انا بحب الاورانج ده اوى .

اخر واحد ده من اماندا برضو و لونه روز فاتح قوامه تقيل بس غريب شوية رغم تقله ممكن يطلع بسرعة و يحسسك ان شفايفك ملزقة طول ما انت حطاه النوع اللى قبله افضل منه كتير .

الجلوسات :

20150603_022308

دول تلاتة من ايسنس جبتهم مع بعض الاول ده روز مات حلو جدا و هادى جدا nude شكله طبيعى و بدون لمعة .

اللى بعده جلوس فوشيا بجليتر حلو اوى لوحده او فوق روج تانى .

اللى بعده اورانج تقيل شوية لمعته قوية و ثباته اعلى و بدون جليتر لون فقط .

رابعا : اقلام الكحل و الحواجب 20150603_022810

الاول من اليمين اسود من شانيل محبتوش اوى رغم انه غالى جدا

ليه بقى ؟؟ سواده تحسيه كحلى او مزرق شوية مش اسود فاحم لكن هو فى الاستعمال سهل جدا لانه مش خشب هو القلم اللى بيتلف .

اللى بعده دول قلمين من  miss&mrs ماركة موجودة فى الخليج

الكويت اكتر واحد اسود و التانى اخضر ميتالك راااااائعين اكتر اقلام كحل حبيتها ثباتها عااااالى طول اليوم ثابتة فى العين من الصبح لغاية بالليل 10 من 10 بصراحة

و دول اتنين من فلورمار بنفسجى و لبنى مش بيثبتو اوى لازم يتثبتو كويس بالبودر لكن الوانهم حلوة و هم مات مش ميتالك .

ده بقى قلم الحواجب اللى مقدرش استغنى عنه من سيبال لونه بنى فاتح لصاحبات البشرة البيضة المشرقة و الشقراء و ذات الحواجب الخفيفة اذا كانت حواجبك تقيلة اللون مش هيبان فيها اصلا 😄 هو ممتاز و لما بيتحط بيكون بودر نفس تأثير البودر على الحواجب مش بيسيح و لا بيبان تاتو طبيعى جدا

و الاخير ده قلم كحل بنى من اماندا ميتالك سىء لانه مش بيثبت نهاااائى و سايح جدا و مش بيبان جوا العين لازم من برا .20150603_023005

و دى سواتش ليهم بترتيبهم ☺

20150603_022432

دى ماسكارا سودة من شانيل ده شكل فرشتها سيلكون حسيتها عادية رغم انها برضو غالييييية 😭 بس حلوة للصبح تقييمى ليها 6 من 10 .

خامسا :البودر 20150603_023015

من اليمين دى بودر جوردانا ناعمة اوى عالوش و درجاتها كتير جميلة

التانية دى بودر اماندا حلوة اوى كمان و خفيفة عالبشرة .

و يفضل تحطو البودر بالفرشة يا بنات مش بالسبونج بتاعتها عشان متعملش تجيير و تكتلات 👍

سادسا : البلاشر

20150603_022903

من اليمين ده بلاشر من ايسنس خوخى على كاكاوى كدة حلو اديله 7 من 10.

و التانى ده حبييى و بستخدمه يوميا تقريبا عشان كدة ملحقش يستنى لحد ما اعمل التدوينة هو روز هادى من سيبال ناعم اوى و بيثبت عالوش و بيدى شكل طبيعى اديله 9 من 10 .

سابعا و اخيرا :المانيكير

20150603_023228

اول اتنين من اليمين دول من لوريال احمر و فوشيا بعشقههههم بجد حلوين جدا و اللون تقيل طبقة وحده منه كفاية

كل اللى بعدهم اللى شكل واحد دول من ايسنس حلوين او لكن الروز اللى ف الاول ده خفيف بيحتاج طبقتين .

الازازة الصغيرة دى احمر غامق شوية و فيه لمعة بسيطة من مافالا حلو جدا و تقيل زى لوريال .

الاتنين اللى وراه دول فضى و ازرق كراكى من اماندا بحبه اوى شكله جديد و جميل .

و الاخير ده توب كوت Top coat من ايسنس حلو بس لمعته مش عالية اوى اديله 7 من 10 .

كدة انا خلصت و تعبت اوووووى و انا بعمل الموضوع ده 😄

مستنية ارائكم و اسئلتكم ✉

و متنسوش تعملو متابعة 😉

أهلاً بالعالم !

Posted on Updated on

السلام عليكم 😊

اهلا بكل مهتمة بعالم المكياج و مستحضرات التجميل 💄💅

هذه مدونتى انقل فيها خبراتى و تجاربى و كل شىء جربته

و عجبنى او ما عجبنى …

انا ميرا ،هاوية مكياج و موضة و متابعة كل جديد يخص هذا العالم.

تشرفنى متابعة الجميع و ارائكم و كمان استفسراتكم 😉